CANA, NË 11’SHEN E VITIT NË FRANCË

Titulli: CANA, NË 11’SHEN E VITIT NË FRANCË Thu May 28, 2009 10:54 am

Edhe pse nuk ka luajtur rregullisht në kampionat, për shkak kartonësh dhe dëmtimi, mesfushori kuqezi është përfshirë në formacionin më të mirë të vitit në Ligën 1 franceze.
Në analizën e zhvilluar nga “goal.com”, 25-vjeçari kuqezi etiketohej si “një lider i vërtetë i marsejezëve.
Cana ka qenë i jashtëzakonshëm dhe katalizatori i skuadrës së Gerets në luftën për titull. I fortë në ndërhyrje, ai është konfirmuar si një prej mesfushorëve më konstant në këtë sezon, duke i dhënë siguri skuadrës në fazën mbrojtëse. Shumë i nevojshëm për balancën në mesin e fushës, duke thyer vazhdimisht aksionet e ekipeve kundërshtare, nga ku nisin edhe manovrat sulmuese të Olimpikut.
Në formacionin më të mirë, në portë qëndron “gardiani” i Lionit, Hugo Loris. Mbrojtja përbëhet nga Shalme (Bordo), Seto (Tuluze), Diavara (Bordo) dhe Taiuo (Marseje). Përkrah Canës në mesfushë janë Sesegnon (PSG), Gurguf (Bordo) e Bastos (Lila). Reparti sulmues përbëhet nga ylli francez, Karim Benzema (Lion) dhe Andre-Pierr Ginjac (Tuluzë).