Problemi më i madh për indows 7 është çmimi?

Nëse mund t'i besohet mendimit profesional të shefit të marketingut
të kompanisë Dell, Darrel Ward, problemi më i madh për sistemin
oeprativ Windows 7 është çmimi. Ward mendon që çmimi "mesatar" i
"Shtatëshit" do të jetë faktori që do ta ngadalësojë pranimin nga një
pjesë e shfrytëzuesve, posaçërisht nëpër shkolla dhe organizata
shtetërore.

Ai thekson që Windows 7 Professional do të jetë më i shtrenjtë se
Vista Business, të cilin në të vërtetë e zëvendëson versioni
Professional.Në favor të Microsoftit nuk shkon as situata aktuale
ekonomike, e cila do të pengojë një numër shfrytëzuesish që të
shpenzojnë për të avancuar Vistën apo XP-në e tyre në Windows 7.