Asus OC Station

Asusi ka prezentuar një hardver të specializuar për adhuruesit e
overclockimit dhe pronarët e pllakave amë të kësaj kompanie nga linja
Republic of Gamers (RoG). Asus OC Station është pajisje e cila
dedikohet për integrim në shtëpizën e kompjuterit ku zë vendin e dy
slloteve 5.25", ndërsa shërben për overclockim hardveri pa pasur nevojë
për t'u futur në BIOS.

OC Station të gjitha të dhënat i paraqet në TFT LCD ekranin
3-inçësh, ndërsa mund të caktohen taktet e punës, tensionet dhe
shpejtësitë e rrotullimit të ventilatorëve si dhe të shikohet
temperatura e sistemit. Përveç këtyre, ky hardver u qaset edhe disa
specifikave të pllakave nga linja RoG në nivel hardverik përmes
kontrollerit iROG, dhe këto janë CPU Level Up dhe Asus EPU-6 engine. Të
gjithë parametrat mund të caktohen thjesht përmes potenciometrit,
ndërsa tërë pllaka kontrolluese lejon rrotullim prej 30 shkallësh, që
është një gjë e mirë nese e mbajmë shtëpizën në tokë. Çmimi nuk dihet.