Zgjatet jeta e pacientëve që vuajnë nga kanceri i veshkave

Një
studim i ri tregon se një bar i ri i zbuluar së fundmi, mund t’ua zgjat
jetën për dy vite më shumë pacientëve të cilët vuajnë nga kanceri i
veshkave.

Shkencëtarët
nga Instituti për hulumtimet e kancerit “South Wales” në qytetin
britanik Swansea, kanë zbuluar se bari ‘Sunitinib’ është më efektiv në
mjekimin e kancerit të veshkave në krahasim me barnat të cilët përdoren
në mënyrë tradicionale.

“Këto të dhëna ofrojnë një fazë të re
në mjekimin e kancerit të veshkave dhe metastazave të tij”, thotë
udhëheqësi i studimit, profesori John Wagstaff. Edhe ky bar ka efektet
e veta anësore, siç është lodhja, mundimi dhe rritja e rrezikut për
infeksion. Kanceri i veshkave renditet në vendin e 11-të në bazë të
shpeshtësisë në vendet e zhvilluara, ndërsa si faktorë rreziku
konsiderohen duhanpirja, mbipesha dhe shtypja e lartë e gjakut.

» Njerez qe vuajne nga Leuçemia