Kushtet në vendin e punës ndikojnë në shtatzëni

Shtatzënat
të cilat kanë vende pune të tilla që kërkojnë angazhim fizik ose ato të
cilat kanë orar të zgjatur dhe jo të rregullt, janë më të rrezikuara që
të lindin parakohe, paralajmërojnë shkencëtarët irlandezë.

Duke përcjellë
1.100 shtatzëna, shkencëtarët nga Universiteti i Dublinit kanë
vërtetuar se kushtet e tilla të punës ndikojnë në më shumë se 50% të
rasteve që foshnja të lindë me masë më të vogël se normalisht.

Është treguar se edhe shtatzënat të cilat kanë orar jo të rregullt
pune, janë për katër herë më të rrezikuara për të lindur parakohe,
pavarësisht statusit të tyre ekonomik. Autorët e studimit, këto
rezultate i shpjegojnë me ndikimin e kushteve të këqija në vendin e
punës, por edhe si pasojë e stresit që krijohet në punë.