Deco mund të kalojë tek Inter

Deco mund të kalojë tek Inter
Mesfushori i Chelseat, Deco, shpreson të bashkohet me dikur trajnerin e
tij Jose Mourinho me një transferim te kampioni i Italisë, Inter.

31-vjeçari nuk ka arritur të zë vend në formacionin bazë të Bluve, pasi
që trajnerët kanë preferuar Michael Essienin, Frank Lampardin dhe
Michael Ballackun në mesfushë, para portugezit.

Kështu që Deco nuk ndihet i nevojshëm te Blutë, prandaj ka shprehur
dëshirën për t’u bashkuar me trajnerin e dikurshëm te Porto, Jose
Mourinho.

“Do të ishte kënaqësi të bashkohesha sërish me Mourinhon”, ka thënë Deco për The Daily Mail”.