Kaka: Shpresoj të bëj historinë e Realit”

Titulli: Kaka: Shpresoj të bëj historinë e Realit” Wed Jun 10, 2009 6:11 pm



Konferenca e parë e Kakasë, pas zyrtarizimit me Real Madridin “Largohem për arsyen e krizës që ka prekur Milanin” Anonçimi zyrtar dhe nga klubi spanjoll. Konferenca e parë: “Do më pëlqente të qëndroja, faji i krizës. Raporti sentimental do vazhdojë”. Mungonte vetëm anonçimi zyrtar. Ka mbërritur pak pas mesnate, presidenti i Real Madrid, Florentino Perez, dhe ka anonçuar që Kaka është një lojtar i merenges. Në mesnatë e përditshmja “As” dhe ajo “Marca” kanë raportuar konferencën e Florentino Perez: ”Po , Kaka ka firmosur për 6 sezone”. Kaka është shitur për një shifër të mundshme, për 65 milion euro: do firmos një kontratë për 6 vjet, për 9 milion euro në sezon. Braziliani i është nënshtruar me rezultat pozitiv, testit fizik me mjekimet e Real Madrid që kishin marrë nga Recife. E shoqëronin Kakanë babai dhe prokurori legal Bosco Leite. “Jam një mik i Runco, mjeku i Brazilit dhe nacionales, dhe kam ardhur për të bërë një vlerësim global të Kakasë, i cili ka negociuar në vazhdim me realin. Kolegët spanjoll janë këtu për të transportuar rezultatet e testit. Pas orës 2 të natës, Kaka ka prononcuar: Fjalët e tij të para si lojtar i Realit. “I uroj Milanit të fitojë kampionatin. Madje të gjitha… Jo, të gjitha, të gjitha. Championsin do provoj ta fitoj me Real Madridin”. Riki Kaka tenton të qeshë, por paraqitja duket e dëshpëruar. Është nata e lamtumirës te Milan. “E di që tifozët kuqezi janë të trishtuar. Ato qajnë, unë qaj, Milanit i detyrohem gjithçka. Më ka sjellë në Evropë, më ka ndërtuar përreth një projekt futbollistik dhe më ka ndihmuar të bëhem nr. 1 në botë. Me Milanin kam fituar topin e artë. Me shoqërinë përfundon një raport profesional por vazhdon një raport sentimental”. Përse ka arritur në këtë ndarje? “Në botë po ndodhin shumë gjëra të rënda nga pikëpamja ekonomike. Kriza ka qëlluar kompanitë dhe Milani është një kompani futbollistike. Paratë e transferimit tim mund të ndihmojnë shoqërinë kuqezi për ta superuar këtë moment vështirësie dhe për të ndërtuar një të ardhme dhe më të rëndësishme” Po Reali? “Është një klub legjendar. Kur më është thënë propozimi që mund të shkoja tek Reali, kam pranuar menjëherë. Është një sfidë e bukur. Një derë tjetër që hapet. E di shumë mirë që kur erdha te Milani asnjë nuk më kërkonte asgjë speciale. Në Madrid duhet të bëjë diçka speciale. Presidenti Florentino Perez, i ka propozuar të veshë fanellën me nr. 5, atë të Zidan “Do mendohem, Zidan ka qënë një kampion. Ka bërë histori te Real Madrid. Gjithsesi unë dua të kontribuoj për të fituar diçka të rëndësishme. Presidenti Perez më ka ilustruar një projekt ambicioz. Por në Real tashmë janë shumë kampionë. Mendoj për Raul, për Kasijas”. Kujt ia le trashëgimi fanellën kuqezi? “Patos. Është lojtari ideal për të ardhmen. Por te Milani nuk po lë vetëm kampionë por dhe miq. Mendoj për Gatuzon, Nestën, Sedorf, Roneldinjo. Dikush prej tyre më ka ndihmuar për tu bërë Kaka”. Po Leonardo? “Do tregoj që është një trajner i madh”. Një përshtypje për kuqezinjtë? “Me Berluskonin kam patur një rapport të shkëlqyer dhe me Galeanin ka qënë gjithmonë qartësi dhe ndershmëri”. Ke firmosur një kontratë për 6 vjet? “Koha për të hyrë në historinë e Realit është mbase për të fituar Botërorin me Brazilin në 2014. Kaka kështu ka mbyllur kapitullin me Milanin që erdhi tek kuqezinjtë në vitin 2003 nga San Paulo. Me Milanin Kaka ka luajtur për 6 sezone, ku ka zhvilluar në total 270 ndeshje dhe ka shënuar plot 95 gola. Në seria A ka luajtur 193 ndeshje dhe ka shënuar 70 gola. Me kuqezinjtë ka fituar një kampionat në 2003, superkupën e Italisë në 2004, Champions League në 2007, 2 super kupa Evrope 2003, 2007, dhe kupën e botës për klube 2007. Kaka me Milanin ka fituar dhe shumë trofe personale, ku më i rëndësishmi është topi i artë në vitin 2007. Kaka ndeshjen e fundit me Milanin e luajti kundra Fiorentinës ku shënoi dhe një gol që ishte dhe i fundit me Milanin. Goditjet e mëdha nga Florentino Perez Zidan 78 milion euro Blerja e Zinedin Zidan është “kryevepra” e Florentinos në mandatin e tij të parë si president i Realit. Me 78 milion euro të paguara ndaj Juventusit, kjo vazhdon të jetë edhe sot blerja më e shtrenjtë e historisë. Kaka 65 milion euro Në mandatin e tij të dytë si president i Realit, Florentino Perez bën një tjetër goditje që tronditi opinionin sportive, ku ai pagoi plot 65 milion euro Milanit për të sjell në Madrid yllin brazilian Kaka. Figo 61 milion euro Florentino vendosi të paguante klauzolën e lëshimit të Figos, duke e shndërruar portugezin në blerjen e tij të parë, si dhe kartën elektorale që e solli në pushtet. Edhe sot, kalimi i Luis Figos nga Barcelona konsiderohet si tradhëtia më e madhe. Ronaldo 43 milion euro Në bazë të premtimit për të sjellë çdo vit një futbollist të madh në “Bernabeu”, Florentino bleu Ronaldon në vitin e tij të tretë të drejtimit, në 2003-in, duke përfituar nga mosmarrëveshjet e “Fenomenit” me Interin. Bekam 35 milion euro Bekam mbërriti në “Bernabeu” në vitin 2004, për “vetëm” 35 milion euro nga Mançesteri, por u shndërrua në suksesin më të madh të marketingut në histori, duke i siguruar skuadrës të ardhura të panumërta nga fanella dhe e drejta e imazhit. Robinjo 30 milion euro Robinjo ishte blerja e fundit e madhe e Florentinos para se të jepte dorëheqjen në 2006-ën. Pas disa bisedimeve që zgjatën me muaj, talenti brazilian iu bashkua klubit nga Santosi, duke u shndërruar në shitjen më të shtrenjtë të klubit të Santosit. Kombëtarja, sot në kërkim të fitores me Gjeorgjinë Kuzhe, me shumë ndryshime nga ndeshja me Portugalinë Pas humbjes dinjitoze me Portugalinë (1-2), me një gol në minutat shtesë (Alvez në të 93’), Shqipëria (në një version “Junior”) do të luajë kundër Gjeorgjisë (të mërkurën, 10 qershor, 19:00) miqësoren e parë nën drejtimin e teknikut Josip Kuzhe. Një takim ku kroati do të ketë lirinë e plotë për të eksperimentuar, duke filluar që nga porta (në vend të Hidit do të luajë Ujkani), mesfusha (Hyka dhe Bylykbashi në vend të Skelës e Duros) e deri të vija e parë (Kapllani e Salihi në vend të Bogdanit e Berishës). Presidenti i Federatës Shqiptare të Futbollit, Armand Duka, mbeti i kënaqur nga performanca e lojtarëve kundër Ronaldos e skuadrës, ashtu si në mjedise konfidenciale, pohoi se trajneri Josip Kuzhe, me atë që tregoi në drejtimin e skuadrës kishte bërë një punë profesionale në vetëm pak ditë. Edhe pse kombëtarja shqiptare përjetoi humbjen e tretë rresht në eliminatoret e Botërorit 2010 (me Hungarinë, Danimarkën e Portugalinë, dy në shtëpi e një në transfertë) dhe të katërtën në tetë ndeshjet e zhvilluara (përfshirë dhe atë me Hungarinë në Budapest), gjithsesi dha sinjale se është në rrugën e duhur për të mbyllur me seriozitet fushatën kualifikuese të Kupës së Botës, për të nisur përgatitjet për atë të Euro 2012, që siç tha edhe Kuzhe, është i gatshëm të punojë për të ndërtuar një skuadër finaliste të Europianit të Ukrainës e Polonisë. Shqipëria vetëm katër ditë pas ballafaqimit zyrtar me Portugalinë (1-2) do të presë po në “Qemal Stafa” në një ndeshje miqësore Gjeorgjinë (10 qershor, ora 19:00), një kundërshtar shumë i njohur për vendin tonë, ndaj së cilës do të zhvillojmë sfidën e 11 historike midis dy vendeve, ku përfshihen ato zyrtare, miqësore dhe turne ndërkombëtarë, por që fatkeqësisht kemi bilanc negativ, 3 fitore tonat kundrejt 6 të gjeorgjianëve (një barazim). Çelsi, 3 yje për të marrë Ibrahimoviç Largimi i Kakas nga Seria A mund të pasohet nga një tjetër yll i madh. Bëhet fjalë për Zllatan Ibrahimoviç, emri i të cilit është përfolur shumë kohët e fundit në ambjentet e Barcelonës. E reja më e fundit nuk është kjo, por hyrja në garë e skuadrës së Çelsit që ka ofruar plot 3 lojtarë luksi për të marrë në “Stamford Bridge” yllin suedez me origjinë boshnjake. Pas 5 kampionateve të fituar në po kaq sezone tek Interi, Ibra mendon të largohet pasi nuk ka më stimuj dhe Chelsea e ka kuptuar mirë këtë. Abramovich vendos në pjatën e marrëveshjes treshen e pëlqyer nga Mourinho, Drogba-Carvalho-Deco. Bosi rus i londinezëve ka nxituar menjëherë sapo ka marrë vesh se Eto’o dhe Iniesta nuk pranuan të largohen nga Barcelona për të ndezur dritën jeshile për Ibrahimovic. Lajmin e ofertës së Chelsea e ka dhënë gazeta italiane “Tuttosport” që thekson se mbrojtësi portugez Carvalho nuk hyn në planet e trajnerit Ancelotti, por e njëjta gjë vlen edhe për bashkëkombasin e tij, Deco. Përsa i përket sulmuesit Didier Drogba, ai është një nga arsyet e mëdha që mund të bëjnë presidentin Moratti të ndryshojë mendje. Berluskoni: Kaka ndikoj në humbjen e zgjedhjeve Pak orë pas zyrtarizimit të Brazilianit Kaka me fanellën e Realit, vijnë dhe reagimet e para nga bota e sportit. Kryeministri italian, Silvio Berlusconi e ka cilësuar largimin e fantazistit jo vetëm si një humbje të Milanit por edhe të partisë së tij në zgjedhjet për Parlamentin Europian. “Largimi i Kakasë ndikoi edhe në humbjen e terrenit të PDL-së”, shprehet presidenti kuqezi në një intervistë për “Corriere Della Sera”. Nga ana tjetër, presidenti i Barcelonës, Joan Laporta e ka cilësuar këtë transferim si një “çmenduri” të Florentino Perez. “Të paguash 64.5 milionë euro është çmenduri. Këto shifra nuk ecin paralel me merkaton”, shprehet Laporta, i cili ritheksoi dëshirën e klubit të tij për të reklamuar fushatën e “Unicef”, edhe pse nuk sjell asnjë përfitim ekonomik për klubin blougrana.

Shum Keq Veq Ka Bo qe osht ik..:S

» 30 vdekjet me te quditshme ne historine e botes...
» Trezeguet në listën e Realit
» Galliani: Kaka ose shkon te Reali ose mbetet te Milan
» Barca dëshiron t’ia ‘vjedhë’ Villan, Realit