Një gotë qumësht pa yndyrë e ul shtypjen e lartë

Një gotë qumësht pa yndyrë e ul shtypjen e lartë

Personat e moshës së mesme, të cilët rregullisht konsumojnë prodhime të
qumështit, siç është qumështi pa yndyrë, më rrallë kanë probleme me
shtypjen e lartë të gjakut.

Prodhimet e qumështit përmbajnë minerale të cilat kanë rol të
rëndësishëm në kontrollimin e shtypjes së gjakut. Lajmi i mirë për të
gjithë ata që kanë probleme me shtypjen e gjakut vjen nga Holanda. Në
të vërtetë, shkencëtarët atje kanë zbuluar se një gotë e qumështit pa
yndyrë në ditë e zvogëlon rrezikun nga shtypja e lartë e gjakut, për më
shumë se 30 për qind. Është dëshmuar se meshkujt dhe femrat e moshës së
mesme, të cilët rregullisht konsumojnë prodhime të shëndetshme të
qumështit, siç është qumështi pa yndyrë, më rrallë kanë probleme me
shtypjen e lartë në moshë më të shtyrë.

Studiuesit thonë se ky studim nuk është i pari që ka zbuluar dobi të
shumta shëndetësore nga prodhimet e qumështit. Studiuesit mendojnë se
mineralet siç janë kalciumi, kaliumi dhe magnezi që gjenden në qumësht,
kanë rol vendimtar në pengimin e paraqitjes së shtypjes së lartë të
gjakut. Prodhimet e qumështit me nivel të lartë të yndyrës, siç është
gjalpi dhe djathi, nuk kanë pasur një ndikim të tillë sikurse prodhimet
pa yndyrë, por është vërejtur se ata as nuk e rrisin rrezikun nga
hipertensioni. Gjatë studimeve dhjetëvjeçare, studiuesit kanë përcjellë
2.245 meshkuj dhe femra në të 50-at, të cilët në fillim studimit, nuk
kanë pasur shtypje të lartë. Rezultatet kanë treguar se gjatë dy viteve
të para të studimit, falë përdorimit të prodhimeve të qumështit pa
yndyrë, është zvogëluar rreziku nga shtypja e lartë për 30 për qind. Copy Paste

» Ulni shtypjen me çaj
» Shkaktar i mbipeshës, ushqimi me kalori të lartë