Lajme te reja nga Sporti

Chelsea nënshkruan me Zhirkov
Chelsea raportohet se është afër të përfundojë nënshkrimin me anësorin
e CSKA Moskës, Yuri Zhirkov, për një shumë që thuhet të jetë 18.6
milionë funte.

25-vjeçari rus, i cili mund të luajë përgjatë gjithë zonës së majtë,
raportohet se do të nënshkruajë marrëveshje katërvjeçare me klubin
anglez.

Një prej agjentëve të lojtarit është cituar duke thënë për një gazetë ruse se lojtari i CKSA tashmë ka kompletuar nënshkrimin.

Besohet se procesin e ka dirigjuar vetë pronari i Chelseat, Roman
Abramovich, së bashku me pronarin e CSKA dhe mikun e tij të ngushtë,
Evgeny Giner.

Lira, “ambasadore” e Kosovës në Evropë

Futbollistja kosovare me nënshtetësi gjermane, sportistja më e trofeshme shqiptare e të gjitha kohërave

Me
vetëm 21 vjet, futbollistja Fatmire Bajramaj ka fituar “Evropianin
2006” me juniore, Kupën e Botës 2007 me seniore, medaljen e bronztë
olimpike në “Pekini 2008”, UEFA Women’s Cup 2009 dhe është fare pranë
të rrëmbejë edhe dy trofe këtë vit. Në çdo aktivitet ajo promovon
origjinën e saj shqiptare nga Kosova. Të shtunën mbrëma doli në podium
të fituesve të Kupës së UEFA-s me fanellën me mbishkrimin Kosova, kurse
një vit më parë në luftë për medalje olimpike, pas golit të shënuar u
drejtua nga publiku duke bërë me duar shqiponjën dykrenore

Button me Brawn GP, të pandalshëm

Formula 1, Shpërblimi i Madh i Monakos

Kjo është gara e
pestë e fituar nga britaniku Jenson Button në gjashtë garat e para. Ai
është garuesi i parë pas Michael Schumacherit (viti 2004) që ka fituar
pesë nga gjashtë garat e para të stinorit. Button ka 51 pikë, kurse
skuderia e tij, Brawn GP, plot 86

Maldini ia jep lamtumirën “San Siros”

Qyteti i Milanit përshëndetet nga njeriu që bëri historinë e klubit kuqezi

Për
24 vite karrierë në Milan, Paolo Maldini, ka fituar 26 trofe
prestigjiozë, përfshirë pesë trofe të garës më të madhe Ligës së
Kampionëve. Me një bagazh të madh suksesesh, mbrojtësi italian nga e
diela është kthyer në legjendë. Kundër Romës luajti ndeshjen e fundit
në stadiumin e Milanit, ndërsa të fundit në karrierë e luan javën e
ardhshme kundër Fiorentinës

Prishtina mbledh trofetë, skuadrat e tjera bëjnë “sehir”

Ekspertët e basketbollit vlerësojnë kampionatin e fundit

Skuadra
që pushon vetëm dhjetë ditë në vit dhe që ka trajner që punon 24 orë në
ditë, sipas trajnerëve të basketbollit, pashmangshëm do t’u gëzohet
rezultateve. Dominimi i Sigal Prishtinës, thonë ata, do të vazhdojë për
sa kohë që klubet e tjera tregojnë plogështi dhe joprofesionalizëm në
menaxhim

Një vit vendnumërim

Nga qershori i vitit 2008, asnjë federatë e sportit nuk është pranuar në institucionet ndërkombëtare

Federatat
shprehen të pafuqishme për t’i lëvizur gjërat në drejtim të
ndërkombëtarizimit. Ato akuzojnë politikën se nuk ka bërë mjaft në
zhbllokimin e procesit të pranimit të tyre. Mirëpo ka zëra brenda
komunitetit të sportit që akuzojnë pikërisht njerëzit e federatave se
janë më të angazhuar pas posteve e shumë pak në ndërkombëtarizim.
Kosova ka vetëm dy federata të pranuara me të drejta të plota, një para
dhe një pas shpalljes së pavarësisë