Çfarë ndodh gjatë çasteve magjike kur dy persona puthen

Të dashurit që e "eksplorojnë" në mënyrë reciproke gojën me gjuhë, do të vinin re më pas mirëqenien arkaike, ndjenjën e kënaqësisë dhe besimin e të ushqyerit gojë më gojë. Por, kënaqësia e puthjeve është edhe një fakt kimik. Në rastin e "puthjes së parë" (me dikë që na pëlqen shumë) tek individi shfaqet në fakt një "stuhi" e vërtetë, që shkencëtarët i atribuojnë një molekulë feniletilamina (Pea), e cila shkakton efekte të ngjashme me amfetaminat dhe vepron mbi sjelljen dashurore, duke dhuruar prodhimin e dy hormoneve, dopamina, një neurotransmetues që prodhon ndjenja shpërblyese e të këndshme dhe noradrenalina që provokon ngacmimin dhe euforinë. Antropologët, nga ana e tyre, shikojnë te puthja simbolin e një shkëmbimi, ushqyerje, dashurie, por edhe diçka më shumë: pothuajse njësoj si një transfuzion shpirtëror.

Frojdi thoshte se anatomia është fat dhe në hartën e trurit goja ka një pozicion shumë më të rëndësishëm në lidhje me organet e tjera seksuale (vetëm dora dhe gishtërinjtë zënë një hapësirë analoge në tru). Por një shpjegim më racional i puthjes e cilëson atë si një veprim që përfshin 29 muskuj të fytyrës, ku 17 janë vetëm për gjuhën: veç të tjerash vë në lëvizje 9 miligramë ujë, 0.18 lëndë të yndyrshme, 0.45 kripëra minerale, mijëra baktere dhe miliona mikrobe.