Ka ardhur koha për Wii më të lirë?

Edhe pse që moti flitet se Sony do të duhej të ulë çmimin e konzolës
së vet PlayStation 3, disa ekspertë mendojnë që edhe Nintendo do të
duhej të lirojë konzolën e vet Wii. Sa i përket shitjes, Wii është edhe
më tutje konzola më e shitur (në SHBA në çdo Xbox 360 shiten dy konzola
Wii, ndërsa ky raport është 3:1 në krahasim me PlayStation 3), ndërsa
lojërat për këtë konzolë
janë në mesin e më të shiturave.
Mirëpo, është interesant që shitja e konzolave Wii në krahasim me një
vit më parë ka rënë për madje 52 për qind. Disa ekspertë dhe shumë
blogerë vlerësojnë që Nintendo akoma mund t'ia lejojë vetes luksin që
të presë edhe më për të ulur çmimet, sepse megjithatë akoma e mbajnë
vendin e parë sa i përket shitjes së konzolave plus që së shpejti do të
prezentohet Wii Sports Resort dhe Wii MotionPlus, shtesa për konzolat
Wii, të cilat do të duhej të freskojnë shitjen.