DIEGO: KY ËSHTË KLUBI QË ËNDËRROJA

Tashmë është zyrtare: Diego nënshkruan kontratë pesëvjeçare me Juventusin dhe thotë se është ekipi qe ëndërronte
Juventusi ka pohuar edhe zyrtarisht se ka angazhuar mesfushorin brazilian të Werder Bremenit, Diego, me të cilin ka nënshkruar marrëveshje pesëvjeçare. 
“Juventusi bën të ditur se ka arritur marrëveshje për të angazhuar brazilianin Diego. Transferimi është finalizuar. Lojtari ka nënshkruar marrëveshje pesëvjeçare, e cila do të hyjë në fuqi nga 1 korriku i vitit 2009”, thuhet në deklaratën e klubit. 
Juve do t’i paguajë Werderit 24.5 milionë euro, ndërsa në varësi të paraqitjeve të Diegos, klubi gjerman do të mund të fitojë edhe 2.5 milionë euro shtesë. 
Ndërkohë vetë sulmuesi brazilian i ardhur nga Bundesliga ka thënë se Juventus është klubi që ai ëndërronte dhe besoi që në fillim se do të transferohej në Torino. Ai do të jetë arma shtesë e Juventusit në Champions.